FILIKUNJOMBE ALA CHAKULA NA WAGONJWA .ASHINDWA KUJIZUA MACHOZI.

IMEKUWA desturi kwa mbunge wa Ludewa Mkoani Njombe Deo Filikunjombe kula chakula na wagonjwa katika Hospitali mbalimbali jimboni mwake wakati wa sikukuu za mwisho wa mwaka, lakini Xmass ya mwaka huu aliwashangaza wagonjwa alipoanza kulia wodini.

Filikunjombe alishindwa kujizuia pale alipoingia wodi ya watoto na kukutana na mtoto Diana Haule (12) anayeteseka na vidonda vilivyoenea karibu mwili mzima vikitokana na kuungua moto kunakosababishwa na ugonjwa wa kifafa.

Aidha hali ya simanzi ilianza kujitokeza pale motto Diana alipoamua bila hofu kuonesha umahili, kipaji  na uwezo wake pale alioomba aimbe wimbo maalumu kwa ajili ya mbunge ambao ulieleza mateso anayopata na kumwomba mbunge ampe fedha ya matumizi.

Diana alimwambia Filikunjombe kuwa awali aliangukia kwenye moto na kuungua viaya jambo lililopelekea kukatwa gumba cha mkono wa kushoto, ambapo pia madaktari waliamua kukata nyama kutoka kiunoni na kushona katika sehemu nyingine iliyoungua katika mkono huo.

Akionekana mcheshi asiye na uoga motto Diana aliwaliza wengi wakiwemo waandishi wa habari walioongozana na msafara wa mbunge pale aliposema kuwa anapenda sana kusoma ili awe kama watoto wengine lakini analazimika kuishi wodini kutokana na kusumbuliwa na ugonjwa wa kifafa kwa muda mrefu sasa.

DAUDI MWAKALAGO mganga mkuu wa hospitali ya Lugarawa akitoa taarifa kwa mbunge alisema mtoto Diana alilazwa hospitalini hapo tangu septemba mosi mwaka huu akiwa na jeraha kubwa lililotokana na kuungua na moto katika mkono wake wa kulia.

Dr Mwakalago aliongeza kuwa pamoja na ugonjwa unaomsumbua na maumivu makali aliyo nayo Diana yeye na wafanyakazi wenzake wanapata faraja kubwa kutokana na motto huyo kujieleza mwenyewe huku akiwatia moyo kwa kuonesha furaha na uchangamfu pale anapopata matibabu.

‘’’’ kuna wakati hali ya motto Diana ilibadilika nay eye mwenyewe akaomba kubatizwa haraka na ndipo alibatizwa jina la Diana na kuachana na jina awali alilokuwa akitumia la Philipina ambapo baada ya kubatizwa akaanza kuendelea vizuri.’’’’ Alieleza Dr Mwakalago

EMELENSIANA MTULO ni mama mzazi wa Diana, akitoa historia ya mtoto alisema mwanaye alianza kuugua kifafa mwaka 2003 na kuungua vibaya katika mkono wa kushoto ambapo alilazwa kwa muda miezi saba akapona lakini mwaka 2011 akaanza kuugua kifafa tena na septemba mosi mwaka huu aliungua tena na kulazwa.

‘’’’ mimi naomba motto wangu  apimwe ubongo kuona kama umechanganyikiwa kwa sababu safari hii ameungua vibaya mkono wa kulia na kupelekea madaktari kulazimika kuondoa mfupa mmoja ulioharibika.’’’’ 

DEO FILIKUNJOMBE kwa upande wake akaahidi kuwasiliana na madaktari wanaomhudumia mtoto Diana ili apate taarifa kamili na kisha ataaangalia namna nzuri ya kumsaidia na kuchangia kadri mungu atakavyo mjaalia.