WENYEVITI VITONGOJI, VIJIJI WADAI KULIPWA POSHO. FILIKUNJOMBE ASEMA SIYO HAO TU NA WAZEE WALIPWE.

               Na Bazil Makungu

WENYEVITI wa Serikali za vijiji katika wilaya ya Ludewa Mkoani Njombe wameitaka serikali kuwalipa posho au mishahara kwa kuwa wanafanyakazi ngumu na katika mazingira ya hatari na yenye kila aina ya ushawishi.

Wakizungumza na gazeti hili kwa nyakati tofauti walisema kuwa wamekuwa wakifanyakazi ngumu zenye lawama na hatari na wakati mwingine majira ya usiku kwa sababu tu ya kulinda usalama kwa wananchi.

Mzee Mwafute (56) ni mwenyekiti wa kijiji cha Lusitu katika kata ya Madope Tarafa ya Mlangali kwa niaba ya wenyeviti wilayani alisema wenyeviti wa vijiji pamoja na wenyeviti wa vitongoji ndiyo wenye watu hata adha na usumbufu wanaopata hauna faida hata kidogo kwao na familia zao.

Kwa upande wake mbunge wa Ludewa Deo Filikunjombe akaenda mbaili zaidi na kusema wanaotakiwa kulipwa posho siyo wenyeviti wa vijiji na vitongoji tu bali hata wazee ambao wamelitumikia taifa hili lakini hawakuwahi kuajiriwa wanatakiwa kutambuliwa kwa sababu wametoa mchango mkubwa katika Taifa kwa namna moja au nyingine.

‘’’’ wenyeviti wa serikali za vijiji ni kweli kazi wanazofanya ni ngumu kwa hiyo kinachotakiwa ni serikali kutambua uwepo wao na kuonesha ukarimu kwa kuwapa posho kama siyo mshahara ili kutambua na kuthamini kazi wanazofanya. Akashauri Filikunjombe

Akaongeza kuwa hata wakiwapa shilingi elfu tano ataona tu umemtambua na siyo hao tu kuna wazee ambao wanalipwa pensheni baada ya kustaafu serikalini lakini wapo wazee wale ambao walikuwa wakifanya kazi katika sekta zisizo rasmi.

‘’’’ sisi tumekwenda zaidi ya hapo tumesema si hao wenyeviti tu wanaostahili kulipwa, kuna wazee wanaopata pesheni kwa sababu walikuwa watumishi wakastaafu, lakini tumesema hapana mtu yeyote ambaye saa hizi ni mzee iwe alikuwa sekta isiyorasmi au rasmi maana yake ametumia nguvu zake katika taifa hili akiwa kijana katika kuliendeleza taifa hili. Akafafanua Mbunge huyo

Filikunjombe akaongeza kuwa idadi ya  wazee nchini inafikia milioni 4 tu nguvu zao zimetumika kwa hiyo kuna haja ya kuainisha umri wa wazee hao wanaostahili kupata pesheni hata kama ni shilingi ishirini elfu zinaweza kuwafariji.

Akatoa mfano kwa rais robert mgambe wa Zimbabwe ambaye amejizolea sifa kwa kuwathamini na kutambua wazee lakini watu wake walikuwa wanasoma bure kwa hiyo leo hii ukisema lolote juu yake wananchi wanatambua jitihada zake.

Wenyeviti wa vijiji hawatakiwi kuacha kazi yao kwa sababu kazi hiyo waliomba kwa kugombea kwa hiyo watakapofanya tofauti watakuwa hawajatenda haki kwa serikali na kwa wale waliowachagua.

               mwisho