WATU 26 JELA KWA KUPIGA MAWE KITUO CHA POLISI NA KUHARIBU GARI LA RCO NJOMBE,

  

WATU 26 wakazi wa kijiji cha Mlangali wilayani Ludewa katika Mkoa wa Njombe wamehukumiwa kifungo cha miezi mitatu jela kwa kosa la kufanya maandamano kinyume cha sheria, kulipa faini ya shilingi laki mbili kila mmoja kwa kosa la kupiga mawe kitua cha polisi Mlangali na kuvunja madirisha na kosa la tatu kulipa faini ya shilingi laki mbili kwa kosa la kupiga mawe gari la RCO Mkoa wa Njombe,

Akisoma hukumu hiyo hakimu mkazi mfawidhi wa mahakama ya wilaya ya Ludewa Fredrick Lukuna alisema mbali na hukumu hiyo washtakiwa watatakiwa kulipa shilingi 48,470 kila mmoja kama fidia kwa ajili ya kufanya matengenezo kituo cha polisi pamoja na kulifanyia matengenezo gari la RCO Mkoa wa Njombe.

Lukuna alisema kuwa june 2 mwaka jana washtakiwa walivamia kituo cha polisi wakitaka kukabidhiwa Askari aliyefahamika kwa jina la Kibasa ambaye alikuwa akifanya mapenzi na masichana ambaye siku ya tukio aliondoka nyumbani kwao usiku n akwenda kwa askari huyo na kumuacha mtoto mdogo na baadaye alifariki dunia kwa kuungua na moto wa kibatari.

Awali mwendesha mashtaka mratibu wa jeshi la polisi ambaye ni mkuu wa kituo cha polisi Ludewa aliiomba mahakama kutoa adhabu kari kwa washtakiwa ili iwe fundisho kwa watu wengine wenye tabia kama zao za kujichukulia sheria mkononi kwa sababu matukio ya kuvamia vituo vya polisi yameshamiri nchini na kutishia amani.

Lukuna aliongeza kuwa mshatakiwa atakayeshindwa kulipa faini na fidia hiyo atatakiwa kutumikia jela miaka miwili,hata hivyo washtakiwa wengi walilipa faini na fidia hiyo iliyotolewa na mahakama ya wilaya ya Ludewa.

mwisho