MATUKIO NA HABARI MBALIMBALI lUDEWA

USHURU WA MABANGO WAJA LUDEWA, MARUFUKU KULIMA MAHINDI MJINI.

               Na Bazil Makungu Ludewa

MKURUGENZI mtendaji katika halmashauri ya wilaya ya Ludewa mkoani Njombe Fidelis Lumato amewataka wafanyabiashara kujiandaa kutoa ushuru wa kulipia mabango yaliyopo kila kona ya mji kama njia ya kuongeza mapato ya ndani kwa halmashauri hiyo.

Kimato aliyasema hayo ofisini kwake jana ambapo gazeti hili lilitaka kujua mikakati yake hasa katika kuongeza mapato ya ndani ya halmashauri hiyo kutokana na kutegemea ruzuku kwa asilimia kubwa huku wananchi wakikosa baadhi ya huduma ambazo ziko chini ya uwezo wa halmashauri.

 

Pamoja na hayo Lumato alisema kunamajukumu mbalimbali ambayo anapaswa kuyatekeleza ambayo ni kusimamia utekelezaji wa miradi  iliyopangwa na selikali,ufuatiliaji wa wawekezaji wa makaa ya mawe mchuchuma,kuboresha mazingira ya kazi na kuhakikisha bajeti iliyotengwa na selikali kwaajiri ya watumishi wa umma inatumika ipasavyo

wananchi Wilayani Ludewa katika Mkoa wa Njombe wameaswa kuacha kubweteka na kushinda kutwa wakinywa  pombe badala yake wafanyekazi kwa bidii ili kuondokana na umaskini wa kipato unaowakabili.

Akizungumza na  kipindi hiki ofisini kwake jana Mkurugenzi mtendaji wa halmashauri ya  wilaya ya Ludewa  Fidelis  Lumato amewataka wananchi  kutambua  kutumia vyema mvua zinazoendelea kunyesha kwa kuandaa mashamba mbegu na mbolea ya kupandia ili kuendana na msimu wenyewe.

Aidha Lumatto akawahimiza wananchi kujiandaa kunufaika na fursa za kujikwamua na umaskini zinazotarajia kupatikana kutokana wawekezaji katika migodi ya makaa ya mawe ya mchuchuma na chuma cha Liganga inayotegemea kupokea wageni wengi wa ndani na nje ya nchi.

Fursa zilibainisha na wataalamu ni pamoja na sekta ya kilimo, utalii,ufugaji nyuki,uvuvi na misitu,

Hata hivyo Lumatto alikiri kwamba wananchi wa Ludewa hususani wanaoishi katika maeneo ya uwekezaji hawana elimu ya kutosha na wala hawajitambui kuhusu fursa zinazotokana na migodi hiyo kwa sababu  bado hawajaandaliwa vya kutosha.

Kuhusu halmashauri yake kuwa na vyanzo vichache vya mapato mkurugenzi alisema amekuta halmashauri ya wilaya ya Ludewa imechoka hivyo anategemea kubuni vyanzo vipya vya mapato ikiwemo kutoza kodi na ushuru wa mabango ambayo kila kukicha yamekuwa yanazaliwa na kuongezeka na kwamba atasimamia kwa karibu maafisa watendaji kata na vijiji kuliko ilivyokuwa awali.

 Lumato alisema kuwa licha ya kuwa na vyanzo  vidogo vya mapato wilayani humo kuna wawekezaji ambao wameingili kati kulipa mapato hayo  kutokana na uchimbaji wa makaa ya mawe mchuchuma  hata hivyo inawapa shida kutokana  na  ubovu wa miundombinu ya barabara.

Pia bw. Lumato alisema kutokana na wawekezaji walioingia walayani hapo bado kunachangamoto ya uhitaji mkubwa wa mahoteli ya vyakula na uzalishaji wa vyakula kwa wingi ili kukidhi mahitaji ya wawekezaji hao.

,,Wananchi hawajandaliwa na kujipanga vizuri  katika uchimbaji wa madini ila tunatarajia kuleta wafanyakazi wanje ya nchi  1,000 na wa ndani ya nchi  3,000 ili kufanikisha  uchimbaji wa madini hayo  bw. Fidelis  alisema’’.

Pamoja na hayo bw.Lumato alisema kunamajukumu mbalimbali ambayo anapaswa kuyatekeleza ambayo ni kusimamia utekelezaji wa miradi  iliyopangwa na selikali,ufuatiliaji wa wawekezaji wa makaa ya mawe mchuchuma,kuboresha mazingira ya kazi na kuhakikisha bajeti iliyotengwa na selikali kwaajiri ya watumishi wa umma inatumika ipasavyo.

Aidha kuhusiana na wafanyakazi wa  afya  bw.Lumato alisema kuwa kunaupungufu wa watumishi wa afya na zahanati  katika wilaya nzima ya ludewa  ambapo kuna watumishi yapata 378 na tatizo hilo lipo nje ya uwezo wake kwani hana mamlaka ya kumwajiri mfanyakazi  isipokuwa kusimamia.

Alisema sabababu nyingine kubwa ya kukosekana kwa wafanyakazi wilayani hapo ni kutokana na kutoridhia hali ya maisha ya ludewa kwani utakuta mfanyakazi  mwajiriwa amepangiwa kituo lakini akiona hali ya maisha ya pale ni ngumu anathubutu kwenda sehemu ambayo hajapangiwa afanye kazi.

Bw. Lumato Alisema kutokana na sheria ya selikali kama mfanyakazi mwajiriwa anajipangia kituo  wao hawana mamlaka yoyote ya kuweza kumsaidia isipokuwa arudi katika kituo cha afya kilekile alichopangiwa kwani akienda kinyume na sheria anaweza kukosa kazi kabisa na kutotambulika  tena kama mtumishi wa selikali.

Ili kupunguza tatizo la kutokuwa na wafanyakazi wa  vituo vikubwa vya afya na zahanati  wilayani Ludewa Bw. Fidelis  Lumato anaiomba selikali kuliangalia tatizo hili  kwa kuwapeleka wafanyakazi kwa kuwa tatizo hilo  lipo juu ya uwezo wake.

MWISHO

KAMATI YA TUZO YA RAIS YATEMBELEA LIGANGA MCHUCHUMA

                                         Na Bazil Makungu

WANANCHI wa wilaya Ludewa katika mkoa wa Njombe wameieleza kamati ya tuzo ya rais wasiwasi na kusikitishwa kwao juu ya mikataba ya siri inayowekwa kati ya Serikali na wawekezaji huku wao wakibaki watazamaji kwa kutojulishwa kila hatua inayoendelea kwenye migodi ya makaa ya mawe ya Mchuchuma na chuma cha Liganga.

Hayo yamesemwa jana na wananchi wa kata ya Mundindi mbele ya mwenyekiti wa kamati ya Tuzo ya Rais ya Huduma za Jamii na uwezeshaji  Dr.Rumisha Kimambo katika ziara ya tume hiyo wilayani Ludewa kwenye migodi ya makaa ya mawe ya mchuchuma na chuma kilichoko liganga.

Tume hiyo yenye wajumbe saba wakiwemo majaji wastaafu inafanya ziara nchi nzima ikikukutana na wadau mbalimbali wakiwemo wananchi wanaoishi katika maeneo ya migodi,wawekezaji na Serikali kwa upande mwingine katika katika kutekeleza mpango wa mafiga matatu.

Wananchi wa Ludewa pamoja na mambo mengine walitaka kujua ni lini machimbo yataanza lakini wakataka kujua nini kilichomo kwenye mikataba na vipi wao watanufaika kupitia wawekezaji wanaotarajia kuchimba migodi ya Makaa yamawe ya mchuchuma na chuma cha Liganga kama wataweza kutambua fulsa zilizopo na kuzifanyia kazi.

Akijibu maswali Dr.Kimambo alisema kamati hiyo ya rais ina kazi ya kutembelea katika migodi mbalimbali nchini ili kuona kama wananchi wa maeneo ya migodi wananufaika na miradi hiyo ikiwa ni mpango wa Serikali kuona uwekezaji nchini unaleta faida kwa watanzania.

Alisema dhana ya mafiga matatu ni pana ambapo figa la kwanza ni mwananchi kuzitambua fulsa zilizopo migodini na kuzitumia,figa la pili ni mwekezaji kuhakikisha jamii inanufaika na uwekezaji wake ikiwa ni kujenga miondombinu ya maji,shule,hospitari na mambo mengine na figa la tatu ni Serikali kusimamia sera ya nchi katika uwekezaji. 

“”Serikali ingependa kuona wananshi wake wananufaika na uwekezaji ulioko nchini na si migogoro inayoendelea kati ya wananchi na wawekezaji hivyo ikaona ni vyema kuunda chombo kinachofuatilia mambo yanayopaswa kufanywa na pande zote mbili yenye tija kwa nchi””,alisema Dr.Kimambo.

Dr.Kimambo alisema kamati hiyo ilianzia kuitembelea migodi ya kanda ya ziwa na itatembelea nchi nzima ili kuona kwa miaka mitatu wawekezaji wamefanya kitu gani kwa wananchi hasa katika huduma za jamii na kuondoa migogoro inayotokea kati ya wananchi na wawekezaji.

Naye Catherine Lyombe  mratibu wa Tuzo ya Rais ya Huduma za Jamii na Uwezeshaji(CSRE) akawatoa wasiwasi wananchi na kusema  Rais  Kikwete alizindua tume hiyo ili kuweka uwazi katika miradi ya wawekezaji kwa kuwa  wananchi wanapaswa kutambua faida za miradi hiyo kwa jamii.

Hata hivyo Catherine aakawahakikishia kwamba  kupitia tuzo hiyo basi kila mmoja atatimiza wajibu wake ikiwa ni kuzingatia mikataba aliyoingia na Serikali kama inavyotaka sera ya nchi kwa wawekezaji waliokwisha anza kazi katika migodi ya kwa zaidi ya miaka mitatu.

Wananchi wa Ludewa hawawezi kunufaika sasa kwa sababu wawekezaji bado katika utafiti lakini baada ya kumaliza tafiti zao na kuanza kazi za uchimbaji ni lazima wazingatie mikataba waliosaini ili kuinufaisha jamii inayoizunguka migodi ya chuma Liganga na makaa yam awe yaliyoko Mchuchuma.

Ni vema wananchi wa wilaya ya Ludewa waandaliwe ili waweze kuzitambua fulsa walizonazo na wazifanyie kazi kwani haitapendeza kama hata mayai, matunda, nyanya, maziwa na nyama  vitaagizwa kutoka katika maeneo mengine wakati wazawa wanao uwezo wa kuzalisha bidhaa hizo na kuuza migodini.

Akitoa ufafanuzi kuhusiana na kuwaandaa wananchi  mkuu wa wilaya ya Ludewa Bw.Juma Madaha alisema kupitia mradi wa PACA unaoendeshwa na shirika la maendeleo la Taifa(NDC) wananchi wameanza kuandaliwa ili kuzitambua fulsa zinazowazunguka.

Bw.Madaha alisema mradi huo umeshapita vijijini na unaendelea kuielimisha jamii jinsi ya kujitambua na kuandaa mipango ya kilimo na ufugaji utakaowanufaisha wananchi kuuza  bidhaa zao migodini.

Alisema Kupitia MKURAIBITA wilaya  Ludewa imeweza kutoa hati za kimila za ardhi kwa wananchi 95 katika kata ya Mundindi kijiji cha Amani lakini mpango huo wa kurasimisha ardhi wananchi unaendelea katika vijiji vingine.

Bw.Madaha alisema bado wataalamu wanaendelea kuwashauri wananchi kutouza maeneo yao ovyo kwa wawekezaji kwani maeneo hayo yataweza kutumika katika kuzalisha mazao na kuwauzia wawekezaji katika migodi.

Kamati hiyo imeondoka wilayani Ludewa ikielekea mkoa wa Mbeya katika migodi mingine ili kuielimisha jamii na wawekezaji kutimiza malengo ya tuzo ya Raisi katika Huduma za jamii na uwezeshaji.

MWISHO.

UHOLANZI YAKABIDHI MABWENI YA WASICHANA NA KUONGEZA 74 MILION

                      Na Bazil Makungu

UMOJA wa wanafunzi wa Uholanzi chini ya Shirika lisilo la kiserikali la Shipo linalojishughurisha na kutoa huduma kwa jamii mkoani Njombe  limekabidhi mabweni mawili ya wasichana yenye thamani shilingi 60 milioni kwa ajili ya   Shule ya Sekondari ya Mundindi wilayani Ludewa.

Mabweni hayo yenye uwezo wa kuchukua  wanafunzi wa kike zaidi ya sabini yamejengwa kwa ushirikiano kati ya mfadhiri huyo na wananchi wa kata ya Mundindi, umoja wa wanafunzi wa uholanzi umekuja baada ya kukithiri kwa mimba na utoro kwa wanafunzi wa shule ya sekondari ya mundindi kunakotokana na wachimbaji madini.

Akitoa taarifa kwa mgeni rasmi  afisa ufundi wa shirika la SHIPO  Vincent Mgina ambaye  ni Diwani wa kata ya Mundindi, alisema ujenzi wa shule hiyo ulianza rasmi mwaka 2011 ambapo wanafunzi wa Uholanzi kupitia shirika la SHIPO walianza kuchanga fedha na kuifadhiri shule hiyo na kujenga mahusiano na wanafunzi wa mundindi.

Mgina alisema kutokana na uhusiano mzuri ulijengwa kati ya wanafunzi wa Uhoranzi na wanafunzi wa shule ya sekondari ya Mundindi ndio uliowezesha shule hiyo kujengwa haraka na kwa majengo mazuri tofauti na shule nyingine wilayani Ludewa.

Alisema wanafunzi wa Uholanzi kupitia shirika la shipo walitoa  vifaa vya vyote vya viwandani pamoja na mbao wakati wananchi wa kata ya mundindi walijitolea nguvu zao ikiwemo ufyatuaji wa tofali,uopoaji mchanga na ujenzi hali ambayo iliwatia moyo wafadhili ambao walivutiwa na mwamko wa wananchi na sasa wamepanga kuendelea kuifadhiri shule hiyo.

“shirika letu limeona ushiriki wa wananchi wa Mundindi katika maendeleo yao kutokana na wanavyojitoa kufanya kazi za ujenzi wa shule hii hivyo wafadhiri wanataka kuona shule hii inaendelea kuwa bora zaidi ya shule nyingine katika wilaya ya Ludewa”,alisema diwani Mgina.

Mgina alisema licha ya ujenzi wa vyumba vya madarasa na mabweni hayo shirika lake limetengeneza vitanda 35 vyenye uwezo wa kulaza wanafunzi 70 lakini limeahidi kujenga mabweni manne na ukumbi wa kujisomea utakaokuwa na uwezo wa kuchukua wanafunzi 274 .

Hata hivyo ujenzi wa nyumba ya matroni na mabweni ya wanafunzi wa kike unaendelea ili kupunguza uwezekano wa wanafunzi wa kike kupata ujauzito ambao utawakatishia masomo yao.

Mathei Kongo ni mwenyekiti wa Halmashauri ya wilaya ya Ludewa na ndiye aliyekuwa mgeni kwa upande wake  aliwasisitiza wanafunzi, wananchi na wadau wa maendeleo katika kata ya Mundindi kuitunza shule hiyo na vifaa vilivyomo kwa kuzingatia shule hiyo imejengwa kisasa zaidi.

Mh.Kongo aliliomba shirika hilo kutengeneza uzio wa kuizunguka shule hiyo kutokana  kuwa karibu na maeneo ya machimbo ya chuma cha liganga na mashimbo ya dhahabu kjiji cha Amani ambako shule hiyo imejengwa.

Alisema uhusiano mzuri walioujenga wanafunzi wa shule ya sekondari Mundindi na wanafunzi wa Uhoranzi kupitia shirika la SHIPO unafaa kudumishwa ili kuleta changamoto ya maendeleo katika kata nyingine zisizo na wafadhiri ambapo wataweza kuiga utendaji kazi wa wananchi wa Mundindi.

Kongo akaishukuru Uholanzi kupitia shirika la SHIPO kwa kutoa hundi ya shilingi za kitanzania 70 milioni katika hafla hiyo ili kuendeleza ujenzi wa nyumba ya matroni na mabweni ya wasichana yanayoendelea katika ujenzi.

MWISHO.