WAMKANA DIWANI WAO NA KUMTAKA RC AONDOKE NAYE

                         Na Bazil Makungu

WANANCHI wa kata ya Makonde mwambao wa ziwa nyasa wilayani Ludewa katika mkoa njombe  wamemtaka mkuu wa mkoa wa njombe Kapteni mstaafu Aseli Msangi kuondoka na diwani wa kata hiyo Cryspin Mwendakote mwakasungura kwa kile walichodai ni fisadi.

Tukio hilo lilitokea Novemba 26 mwaka huu majira ya mchana kwenye mkutano wa hadhara uliofanyika katika kijiji cha Makonde ambapo pamoja na mambo mengine mkuu wa mkoa wa njombe alipita kukagua na kuhimiza shughuli za maendeleo katika tarafa ya mwambao wa ziwa nyasa.

Hali ya sintofahamu ilianza kujitokeza mapema baada ya mkuu wa mkoa na msafara wake kufika kijijini hapo kwa usafiri wa boti ya halmashauri na kupokelewa na watu wachache huku wengine wakijishughulisha na kuandika mabango yenye jumbe mbalimbali iliwemo bango kubwa la kumtaka mkuu huyo kuondoka na diwani.

“” Tunashukuru kwa ujio wako mkuu wa mkoa lakini tunaomba uondoke na diwani kwa kuwa tumechoshwa na tabia yake ya ufisadi uliokithiri.”” Ilisema sehemu ya maneno katikamabango hayo

Hata hivyo baada ya mwenyekiti wa kijiji hicho kufungua mkutano wa hadhara hali ya hewa ilibadilika wakati wa utambulisho ambapo miguno na dharau vilitawala mkutano na ndipo mkuu  wa wilaya ya Ludewa Juma Madaha akalazimika kusimama na kueleza utaratibu na sheria zinazolinda mkutano huo.

“” mkutano huu wa mkuu wa mkoa upo halali na upo kwa mujibu wa sheria kwa hiyo mtu yeyote asijisahau na kuleta mambo yasiyofaa na kama kuna yeyote mwenye shida atumie hekima na busara kwa kutaka ufafanuzi, zaidi ya hapo hatutasita kuchukua hatua stahiki kwa atakayekiuka.”” Alifoka Madaha

Kufuatia hali hiyo mkuu wa mkoa kabla ya kuwaeleza wananchi mambo aliyotembelea akalazimika kutoa elimu na ufafanuzi kwa wananchi hao kuhusu sheria na taratibu za kumwondo diwani madarakani.

Msangi alisema njia ya kwanza ya kumwondoa diwani ni kupeleka malalamiko mahakamani ambapo akipatikana na hatia na kuhukumiwa kifungo kisichozidi miezi mine akimaliza kutumia kwa mujibu wa sheria atarudi kuendeleanaudiwani wake, lakini kifungo kuanzia miezi na kuendelea udiwani wake utakuwa umekoma.

Njia ya pili mkuu huyo akaitaja kuwa ni kwa kubiri amalize muda au kipindi chake cha miaka mitano ,nakumwondoa kwa njia ya kupiga kura baada ya uchaguzi kuitishwa na tume ya taifa ya uchaguzi na njia ya mwisho ni diwani kufariki na tume ya uchaguzi kulitangaza jimbo kuwa wazi.

Baada ya ufafanuzi huo wananchi walibaki midomo wazi na ukimya kutawala mkutanoni hapo, jambo hili likaonesha wazi kuwa walikosa elimu kuhusu ni sheria zipi zinazoweza kumwondoa diwani wao madarakani lakini wakaanza kulaumiana wenyewe kuwa kuna watu wanawaburuza kwa maslahi binafsi.

 Baada ya kumalizika kwa uchaguzi mkuu wa mwaka 2010 wananchi wa kata ya makonde wameendelea kuendekeza na kuabudu makundi na makovu ya uchaguzi yasiyo na msingi huku wakisahau kufanya hata shughuli za maendeleo yao wenyewe.

Hii ni kutokana na uelewa mdogo wa mambo kunakopelekea wajanja wachache kuwaburuza kwa maslahi binafsi huku wao wakijivuta nyuma wakati wa ugeni au viongozi wa wilaya na mkoa wanapokuja kutembelea kata hiyo.

Katika uchaguzi mkuu wa mwaka 2010 diwani Crispin mwendakote mwakasungura alipata kura (400) mia nne huku mpinzani wake kupitia chademaakiambulia kura (100) mia mojatu.

                mwisho