FILIKUNJOMBE AWAKEMEA WATENDAJI WANAOIHUJUMU SERIKALI

MBUNGE wa Ludewa katika mkoa wa Njombe amewakemea vikali watendaji wasio waaminifu wilayani Ludewa katika kutekeleza miradi ya ujenzi inayofadhiriwa na Serikali ya Jamuhuri ya Muungano wa Tanzania kutokana na ujenzi ulio chini ya Viwango.

Hali ilitokea wakati wa ziara yake katika kata za Mwambao wa Ziwa nyasa ambapo aliweza kuona fedha zinazotolewa na Serikali ili kufanikisha mambo mbalimbali ikiwemo ujenzi wa nyumba za walimu na zahanati zikiwa zimetumiwa vibaya na wasimamizi wa fedha hizo maeneo ya miradi.

Katika ziara hiyo Filikunjombe aliweza kujionea ujenzi wa zahanati ya kijiji cha Nkanda na nyumba ya mwalimu katika kijiji hicho kata ya Lumbila kujengwa chini ya kiwango ambapo uchanganyaji wa saruji na mchanga haukukidhi viwango hivyo aliweza kutomasa kwa kidole na kujionea ikipukutika kanakwamba ilijengwa bila ya saruji.

Aliliona jengo la nyumba ya kuishi mwalimu katika shule ya msingi Nkanda likiwa ninazaidi ya mwaka mmoja bila kumalizika ndipo alipomtaka mkandalasi wa jingo hilo na kuelezwa mkandalasi wa jingo hilo alikuwa mwalimu mkuu wa shule hiyo.

“Hatuwezi kuuchekea ufisadi wa waziwazi kama huu,haiwezekani Serikali ikatoa fedha kwa manufaa ya watanzania  lakini watu wachache wakanufaika na fedha hizo kwa kujenga majengo yasiyo na viwango wala ramani inayokubalika na Srikali”,aliseema filikunjombe.

Aidha alisikitishwa kuona nyumba ya mganga inayojengwa pamoja na zahanati ya kijiji cha Nkanda kata ya Lumbila uchanganyaji wa saruji na mchanga hauna uwiano hivyo kupelekea kuta zake kutokuwa imara wakati viongozi wa kijiji na kata wapo eneo hilo na wanaona kinachoendelea bila kuchukua hatua za kisheria. 

Filikunjombe alisema kama kila mtanzania atakuwa mlinzi wa raslimali za nchi Tanzania itasonga mbele kwani hali ya uchakachuaji wa fedha za miradi ya Serikali haitakupo tena hivyo sera ya  na utekelezaji wa ilani ya Chama cha Mapinduzi(CCM) itatekelezwa kama ilivyokusudiwa.

Hata hivyo mwalimu mkuu wa shule hiyo aliyejitambulisha kwa jina la Andrea  Nkwera alishikwa na kigugumizi katika kulitolea ufafanuzi kuwa alijihusisha na ukandarasi wa kujenga nyumba ya mwalimu akiwa hana taaluma ya ukandarasi na pasipo na ramani inayokubalika na Serikali.

Mwalimu.Nkwera alishindwa alishindwa kutolea maelezo baada ya kutakiwa kuonesha ramani ya jengo hilo na BOQ  ambavyo hakuweza kuvitoa kutokana na ujenzi wa jengo hilo kutokuwa na vitu hivyo kama majengo mengine ya Serikali yanavyo jengwa.

Aidha Filikunjombe aliuagiza uongozi wa kata kufuatilia matumizi ya fedha hizo na kumchukulia hatua za kisheria mwalimu huyo pamoja na kamati yake ya ujenzi kwa kutofuata sheria za kiserikali katika ujenzi.

Mwisho.