MAKAMBA KORTINI KWA KUOMBA NA KUPOKEA RUSHWA, ALIUZA NAFASI ZA VIJANA KUJIUNGA NA JESHI LA KUJENGA TAIFA.

                   Na Bazil Makungu Ludewa

NAFASI za Vijana kujiunga na jeshi la kujenga Taifa (JKT) zilizotangazwa hivi karibuni zimeanza kuingia dosari ambapo baadhi ya watendaji wengi nchini wanatumia matangazo hayo kwa kujinufaisha kwa kuhongwa na watahiniwa ili wapate upendeleo.

Afisa mtendaji wa kata ya Mlangali wilaya ya Ludewa katika mkoa wa Njombe Edwardi Makamba jana alibiruzwa katika mahakama ya hakimu mkazi wilaya ya Ludewa kwa makosa mawili ikiwemo kushawishi na kupokea rushwa ya shilingi laki moja kwa njia ya M-PESA.

Akisoma hati ya mashtaka mbele ya hakimu mkazi wa mahakama ya wilaya ya Ludewa Fredrick Lukuna, mwendesha mashtaka wa Takukuru Richardi Marekano akaiambia mahakama kuwa mshtakiwa alitenda makosa hayo kati ya januari 3 na januari 10 mwaka huu.

Marekano akaongeza kuwa mshtakiwa alitenda kosa la kushawishi na kasha kupokea mlungula makosa yanayoanguki chini ya kifungu namba 15(1)a cha sheria ya kuzuia na kupambana na rushwa no 11 ya mwaka 2007.

Awali ilielezwa mahakamani hapo kuwa mshtakiwa akiwa mtumishi wa umma aliomba fedha za kitanzania shilingi laki tatu (300,000) kwa Nicodem Simoni Mtweve mkazi wa mlangali kwa ajili ya kumpaupendeleo kwa kumpa nafasi ya kujiunga na jkt zoezi linaloendelea hivi sasa nchi nzima.

Akizungumza na gazeti hili Nico simoni mtweve alisema kuwa afisa mtendaji wa kata ya Mlangali Edwardi Makamba alizoea kumwomba fedha ambapo hata mwakajana alimwomba fedha akampa lakini hakufanikiwa kujiunga na jeshi nimechoka na wenzangu wanisaidie. Aliongeza mtweve

Kesi hiyo imeahirishwa hadi machi 4 mwaka huu itakapokuja kwa kutajwa kwa kuwa upelelezi ulikuwa bado kukamilika na mshtakiwa akapata dhamana kwa masharti ya mdhamini mmoja mwenye mali isiyohamishika.

Aidha kesi ya kuomba na kupokea rushwa inayomkabili mwenyekiti wa halmashauri ya wilaya ya Ludewa Matei felisian Kongo imeahirishwa hadi machi 4 mwaka huu itakapokuja kwa mahakama kutoa maamuzi kama mshtakiwa anayokesi ya kujibu. 

Awali kesi hiyo iliahirishwa kwa upande wa utetezi kuomba mwenendo ili iweze kujibu hoja zilizomo katika kesi hiyo kabla ya mahakama kuamua kama mshtakiwa anashtakala kujibu hata hivyo baada ya majibizano pande zote zikaiacha mahakama uamuzi.

Katikakesi hiyo mwenyekiti huyo anadaiwa kuomba rushwa kwa mlalamikaji ili aweze kumpa upendeleo kwenye zabuni usambazaji vifaa vya komputa na tenda za ujenzi katika halmashauri ya wilaya hiyo. 

Wakati huohuo kesi ya kushwishi na kutoa rushwa kwa ajili ya pembejeo inayomkabili Afisa mtendaji kijiji cha Kipangala kata ya Luilo Yohana Pili na wenzake imeahirishwa hadi machi 4 mwaka huu itakapo kujakwa kusikilizwa kufuatia kukamilika kwa upelelezi wa kesi hiyo.

Akisoma kesi hiyo wakati ikisikilizwakwa hatuaya awali mwendesha mashtaka wa takukuru Richard marekano alisema upelelezi wa kesi hiyo umeshakamilika na kwamba katika kesi hiyo anatarajia kuleta mashahidi kumi na nane kwa upande wa mashtaka.

Inadaiwa kuwa afisa mtendaji huyo alishirikiana na wakala wa pembejeo katika kijiji hicho Sebastian Haule na mwenyekiti wa pembejeo Kilian Mbawala kuwashawishi wananchi kusaini vocha hewa kasha kuwalipa kila mmoja shilingi 20,000 kinyume cha sheria.

Katika mahakama hiyo kesi ya kuomba na kupokea rushwa inayomkabili mwenyekiti wa kijiji cha Mbugani katika kata ya Mavanga Ignasi Mgina imeendelea na upande wa utetezi kuleta mashahidi ambapo hukumu ya kesi hiyo inatarajia kutolewa machi 4 mwaka huu.