MAUAJI YA KIKATIRI MKOA WA NJOMBE, LUDEWA YAONGOZA KWA IMANI ZA KISHIRIKINA, WATOTO WADOGO WARITHISHWA UCHAWI BADALA YA ELIMU.

.Ngonyani awataka wananchi kushirikiana na polisi na kuhakikisha kila familia haina mhalifu

Na Bazil Makungu

WILAYA ya Ludewa imetajwa kuwa kinara wa matukio ya mauaji yanayohusishwa na imani za kishirikina katika mkoa wa njombe huku watoto wadogo wakirithishwa uchawi badala ya kupelekwa shule kupata elimu wakati huo mkoa wa njombe ukitajwa kushika nafasi ya pili kitaifa baada ya mkoa wa geita kushikilia nafasi ya kwanza.

Akizungumza hivi karibuni na viongozi wa dini,maafisa tarafa, maafisa watendaji kata na vijiji, wafanyabiashara, wadau mbalimbali na watu maarufu wilayani Ludewa katika Mkoa wa Njombe kamanda wa polisi kamishna msaidizi mwandamizi Fulgence Ngonyani alisema kumekuwa na upungufu wa mahusiano duni kati ya wananchi na polisi jambo linalopelekea jamii kushindwa kutoa ushirikiano kwa jeshi hilo.

Ngonyani aliwaeleza wananchi kuwa jeshi la polisi peke yake haliwezi kumaliza uhalifu unaotokea katika jamii lakini kama wananchi watachukia uhalifu na kuamua kushirikiana na polisi kwa kutoa taarifa sahihi na pengine kuwakamata wahalifu ‘’’ inawezekana kabisa kupunguza uhalifu kwa sababu wahalifu wote wanatoka katika familia zetu tunaishi nao tunakula nao tunalala nao tunawafahamu tuhakikishe na kuona ndani ya familia zetu hakuna mhalifu.’’’’ alisisitiza ngonyani

TAKWIMU

Hadi sasa sensa ya watu na makazi inaonesha kuwa Tanzania ina jumla ya watu milioni 44,932,000 idadi ya vitongoji ikifikia 60,359, vijiji 11,137 kata 3,335 huku idadi ya wilaya ikiwa 151 lakini askari polisi nchi nzima ni 41,416 kati yao wamo maofisa na vikosi mbalimbali wakiwemo wagonjwa pia hata hivyo idadi ya vituo vya polisi ni 868 vituo vidogo vya polisi 501 kwa hiyo ukiangalia idadi ya vitongoji, vijiji, kata na wilaya ni kubwa kuliko idadi ya askari waliopo.

JESHI LA POLISI NJOMBE

Idadi ya askari polisi katika mkoa wa njombe ni 571 tu wakati mkoa unazo kata 96, tarafa 18 hata hivyo miongoni mwao kuna mgawanyo wa shughuli mbalimbali kama mahakamani, wamo pia maafisa na wagonjwa aidha nguvu kazi ya polisi inazidi kupungua kama idara zingine kwa vifo vya watumishi kwa hiyo ipo haja ya kila mmoja kuwa mlinzi kwa kushirikiana na jeshi la polisi ili kupata usalama kwani ulinzi shirikishi ni kusaidia, kupeana taarifa za uhalifu na ulinzi jiani kwa sababu mtu anaweza kuchagua rafiki lakini hawezi kuchagua jirani.

’’’’ kuna mauaji yanatokea katika maeneo yetu na mkoa wa njombe ndio unaongoza kwa mauaji yanayotokana na imani za kishirikina na katika kipindi cha mwaka jana matukio 18 ya mauaji ya kikatili yalitokea katika mkoa huu.’’’’ aliongeza kamanda Ngonyani

OCD LUDEWA

Akitoa taarifa mkuu wa polisi wilaya ya Ludewa mrakibu wa polisi Gali la moshi alisema katika kipindi cha mwaka wa 2006 hadi 2011 kesi 31 za mauaji ziliripotiwa ofisini kwake mwaka 2012 matukio makubwa 72 yaliripotiwa huku mauaji yakifikia 17, mwaka 2013 makosa makubwa yalikuwa 64 mauaji yakiwa 15 na mwaka 2014 mauaji yanayotokana na imani za kishirikina hadi machi yapo 8,

Wakitoa ushauri kwa jeshi la polisi washiriki wa mikutano walisema kuna haja ya kuwatambua waganga wa tiba ya asili na kuzungumza nao juu ya ushiriki wao katika mauaji yanayohusishwa na imani za kishirikina kwa kuagua jambo ambalo ni kinyume na vibali vyao .””” kila kijiji, kata, na tarafa iwatambue waganga wa jadi na kuwaorodhesha kisha kufanya nao kikao na kupewa miiko katika utendaji wao wa kazi.’’’’ aliagiza gali la moshi

Mambo mengine yaliyotajwa kusababisha mauaji wilayani Ludewa ni pamoja na ulevi wa ulanzi, wivu wa mapenzi. Wazee wametakiwa kuacha maramoja tabia ya kuwarithisha watoto wadogo uchawi badala yake wawarithishe elimu ambayo itakuwa ni ukombozi katika maisha yao lakini uchawi hauna faida faida kwa mtoto zaidi ya kupandikiza roho mbaya, chuki na fitina moyoni mwake.

USALAMA KATIKA NYUMBA ZA IBADA

Viongozi wa dini wanayo nafasi kubwa ya kukomesha uhalifu katika maeneo yetu kwa sababu baadhi ya wahalifu wamo ndani ya makanisa na misikiti wanayoiongoza hivyo wanaweza kukomesha kwa kuwahubiria na kuwaeleza madhara ya uhalifu na wakaongoka. aidha viongozi wa dini wametakiwa kuanzisha kamati za ulinzi na usalama kamati nyumba zao za ibada ili kutambua mienendo ya watu wasokuwa waumini wa makanisa na misikiti yao.

MAAFISA WATENDAJI

Wametakiwa kurejesha na kuanzisha madaftari ya wakazi ili kujua idadi ya watu wanaoishi katika maeneo yao lakini pia itakuwa rahisi kubaini na kutambua wageni wanaoingia katika mitaa yao hata hivyo kutambua wageni wavamizi wa ardhi wanaoleta kero na migogoro isiyokuwa ya lazima ndani ya jamii na maeneo yao.